Gràcies ath supòrt deth Ministèri de Drets Sociaus, Consum e Agenda 2030, auem arrecebut ua subvencion de 18.500 èuros destinadi ath contraròtle de colònies felines. Gràcies a d’aguesta ajuda e ar esfòrç des volontaris deth pòble, auem artenhut esterilizar dejà era meitat d’ua seishantèa des gats feraus des nòstes colònies locaus.
Era gestion responsabla de colònies felines ei fonamentau e supause nombrosi beneficis:
- Reduccion dera sobrepoblacion, en tot esvitar eth creishement descontrolat.
- Milhora dera salut publica, ath minimizar malauties e problèmes sanitaris.
- Emparament der entorn, en tot redusir conflictes damb era fauna locau e vesins.
- Major benèster animau, en tot milhorar era qualitat de vida des gats.
Ath delà, arrebrembam qu’existís ua legislacion que protegís e obligue a actuar ena gestion de colònies felines. Segontes era Lei 7/2023 de Benèster Animau, ei déuer des administracions e municipis, gestionar aguestes colònies mejançant eth metòde CER (Captura, Esterilizacion e Retorn), en tot promòir ua convivéncia armonica e en tot esvitar er abandon o mautracte animau.
Maugrat açò, ei important arrebrembar qué NON s’a de hèr entà garantir er èxit d’aguesta gestion:
- Non alimentar sense contraròtle ne seguiment, donques que fomente era reproduccion e problèmes sanitaris.
- Non abandonar animaus domestics enes colònies, donques non son premanidi entà subervíuer.
- Non ignorar era importància dera esterilizacion, eth contraròtle de natalitat ei clau.
- Non hèr ús de metòdes agressius o inumans, que son illegaus e crusèli.
- Non descuedar era neteja der entorn, entà esvitar molèsties.
- Non actuar sense coordinacion ne permisi, tostemp auem de trabalhar de forma organizada.
Gràcies a toti es quaus an contribuït ad aguesta labor. Actuar non sonque ei un compromís etic, ei ua obligacion legau!
