Bossòst acuelhec ager ua jornada dedicada ara memòria e ara istòria deth nòste pòble, damb ua grana participacion de vesins e visitants.

Era ponéncia "Es maquis en Bossòst. Tres crotzes e ua hemna", a cargue de Joan Carles Riera Socasau, permetec conéisher naues aportacions sus es hèts d'octobre de 1944, acompanhades de fotografies, documents e imatges inedites que, fòrça ans dempús, an aportat coneishement sus aguest episòdi dera nòsta istòria.

Era jornada compdèc damb era preséncia de Jordi Font, director deth Memoriau Democratic, e de Josep Calvet, cap d'Àrea de Contenguts, Educacion e Projèctes deth Memoriau Democratic, que participèren en aguest acte de recuperacion e divulgacion dera memòria istorica.

Ara seguida, s'inaugurèc er itinerari de memòria e se realizèc ua visita guidada pes naui espacis senhalizadi, acompanhada dera exposicion dedicada as maquis ena Val d'Aran e eth Pallars.

Arregraïm era collaboracion deth Memoriau Democratic, des ponents e de totes es persones que participèren en ua jornada que contribuís a preservar, conéisher e transméter era memòria collectiva deth nòste territòri.