Un an mès metem punt finau ara Setmana Santa de Bossòst damb eth Sant Retrobament, ua processon fòrça emotiva, que reflèxe un caractèr propèr e eth sénter deth nòste pòble. Gràcies a toti per hèr possible, un an mès, qu'es nòstes tradicions seguisquen viues.

Volem dar es gràcies de tot còr a qui an hèt possible aguesta Setmana Santa.

Gràcies ara Associacion pera sua labor incansable e a cada persona que, des deth respècte e era umilitat, an ajudat a que tot gesque perfècte.
Un arregraïment especiau as persones qu'an portat es passi, des des mès petiti enquiàs mès grani, en tot demostrar qu'era nòsta fe e era nòsta union non an limits.

Gràcies de tot còr tanben a qui, damb es sues mans e devocion, an trabalhat ena ombra entà vestir es nòstes imatges, plaçar cada mantelina e suenhar cada detalh que non se ve, mès que se sent ena anma.

Gràcies ara nòsta Corau, per èster era votz e eth sentiment qu'a guidat es nòsti passi en aguesta Setmana Santa indesbrembabla.
E gràcies a toti es quaus mos auetz acompanhat. Damb eth vòste supòrt, era nòsta esséncia seguís mès viua que jamès.

Imatges: Clemen Rivero